गायक राज के गोस्वामीकाे ‘हिमालै राम्रो हिउँले’
३ वर्ष अघि
काठमाडौं : गायक राज के गोस्वामी आफ्नो नयाँ शैलीको गीतमार्फत दर्शक तथा स्रोतामाझ आएका छन्। उनी ‘हिमालै राम्रो हिउँले’ बोलको गीतमार्फत दर्शक तथा स्रोतामाझ आएका हुन्।
लामो समयदेखि अस्ट्रेलियामा बस्दै आएका गोस्वामी अस्ट्रेलियाका विभिन्न सहरमा कन्सर्ट सहितका कार्यक्रम आयोजना गर्दै आएका छन्।
‘कोशिश–२’ शीर्षकको एल्बममा समावेश भएको यो गीतलाई विक्रम थापाले संगीत दिएका छन् भने सुमन कुँवर यो गीतका रचनाकार हुन्। गीतमा सन्दीप कार्कीले संगीत संयोजन गरेका छन्।
भिएफएक्स प्रविधिमा तयार पारिएको गीतको भिडियोमा विजेश पौडेल तथा पूजा धामीले अभिनय गरेका छन्।
भिडियोलाई बिजेश पौडेलले नै निर्देशन गरेका छन् भने भिएफएक्स तथा सम्पादन पनि उनैले गरेका हुन्। अनिशा पौडेलद्वारा छायांकन गरिएको उक्त भिडियोलाई नेपाली टचले प्रस्तुत गरेको हो।
जेठ १५, २०७८ शनिबार २१:४३:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
