मुना गौचन अभिनित हिन्दी गीतको भिडियो सार्वजनिक
३ वर्ष अघि
‘हम तुम’ बोलको गीतमा अलौकिक राही र आनन्द बि सेशाद्रीको शब्द, नरेश आनन्दको संगीत, बेनी दयाल र जोनिता गान्धीको स्वर छ। सुमित बरुवा निर्देशित भिडियोमा मुनाको साथमा अनिकेत चिन्दक रोहन सिंहको अभिनय छ।
सन् २०१५ मा मोडलिङ सुरुवात गरेकी मुना ‘फेस अफ क्लासिक डायमण्ड २०१७’ र ‘मिस इको नेपाल २०१९’ को विजेतासमेत हुन्। उनले थुप्रै म्यागजिनको लागि कभर फोटोसुट गरिसकेकी छन्।
एनसेलको विज्ञापनमार्फत डेब्यु गरेकी उनले ‘नेपाल आइस’लगायतका दर्जनौ विज्ञापन खेलिसकेकी छन् भने भारतमा पनि ल्याक्मे, लोरियर, अमेजन लगायतका विज्ञापनमा अभिनय गरेकी छन्।
केही समयअघि उनी ‘रंग लगाया तुने’ बोलको हिन्दी गीतको भिडियोमा पनि देखिएकी थिइन्।
चैत ३०, २०७७ सोमबार २२:१८:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
