चलचित्र ‘थालाबी’ : जयललिताको अवतारमा कंगना

मुम्बई : बलिउड अभिनेत्री कंगना रनावत अभिनित चलचित्र ‘थालाबी’ को ट्रेलर सार्वजनिक भएको छ। कंगानाको ३४औं जन्मदिनको अवसर पारेर हिजो चलचित्रको ट्रेलर सार्वजनिक गरिएको हो।

यस चलचित्रमा अभिनेत्री तथा तमिलनाडुकी पूर्व मुख्यमन्त्री स्व जयललिताको जीवनीका उतार–चढाव देखाइएको छ। उनको अभिनय यात्रा हुँदै राजनीति कसरी प्रवेश गरिन् भन्ने कुरा चलचित्रको ३ मिनेट २३ सेकेन्डको ट्रेलरमा देख्न सकिन्छ। चलचित्रको ट्रेलरमा कंगना जयललिता जस्तै देखिएकी छन्।

ट्रेलरमा विधानसभामा डिएमकेका संसदले जयललितामाथि गरेको अभद्र व्यवहारको दृश्य पनि देखाइएको छ। यस चलचित्रका लागि अभिनेत्री कंगनाले २० केजी तौल घटाउने बढाउने काम गरेकी थिइन्।

चलचित्रमा कंगनाका अलवा अरविन्द स्वामी, प्रकाश राज, भाग्यश्री, जिसु सेनगुप्ता लगायतको अभिनय रहेको छ। चलचित्रलाई एएल विजयले निर्देशन गरेका छन्। यो चलचित्र  हिन्दी, तमिल र तेलुगु भाषामा प्रदर्शन हुने निर्माण पक्षले बताएको छ। चलचित्र आगामी २३ अप्रिल २०२१ मा प्रदर्शन हुँदैछ।

चैत ११, २०७७ बुधबार १४:३२:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।