नीताको निर्देशनमा ‘द हरिहर अधिकारी शो’
३ वर्ष अघि
काठमाडौं : अभिनेत्री नीता ढुंगाना टेलिभिजनबाट प्रसारण हुने एक टक शो मार्फत निर्देशकका रुपमा आउन लागेकी छिन्। उनले अभिनेता तथा युवा ज्योतिष हरिहर अधिकारीसँगको सहकार्यमा ‘द हरिहर अधिकारी शो’ ल्याउन लागेकी हुन्।
अभिनेत्री नीताले ‘द हरिहर अधिकारी शो’ को पहिलो सिजन छायांकन सकिएको बताएकी छन्। उनले उकेरासँगको कुराकानीमा पहिलो सिजनको छायांकन सकेर पोष्ट पोडक्सनको काम भइरहेको बताइन्।
यस टक शोमा सेलिब्रेटीका वर्तमान र भविष्यको बारमा चर्चा गरिने छ। पहिलो सिजनमा अभिनेत्री रेखा थापा, कोमल ओली लगायत कलाकारसँगको कुराकानी सकिइसकेको छ। यो शो कुन टेलिभिजनबाट आउँछ भन्ने कुरामा छलफल भइरहेको नीताले बताइन्।
अभिनेता हरिहर अधिकारीले लामो समयदेखि कान्तिपुर टेलिभिजनमा ‘मार्गदर्शन’ कार्यक्रम सञ्चालन गर्दै आएका थिए। उनले अब आफ्नै नाम दिएर ‘द हरिहर अधिकारी शो’ ल्याउन लागेका हुन्।
चैत १०, २०७७ मंगलबार १४:५०:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
