खनाल-नेपालको भेलामा ओलीको नजर, निहुखोजाहरुसँग नझुक्ने
काठमाडौँ : प्रधानमन्त्री केपी शर्मा ओलीले संसद्लाई निष्प्रभावी बनाउने चेष्टा भएको बताएका छन्। एसिड र तेजाब आक्रमण विरुद्धको अध्यादेश टेबल गर्न नदिएर संसद्लाई निष्प्रभावी बनाउने चेष्टा भएको ओलीले आरोप लगाए।
प्रधानमन्त्रीको सरकारी निवास बालुवाटारमा भएको चियापान तथा भेटघाट कार्यक्रममा ओलीले संसद्लाई प्रभावकारी र कामकाजी बनाउनु पर्ने बताए। ‘संसद्लाई देश र जनताको हितमा काम गर्ने थलो बनाऊ,’ उनले भने, ‘स्वार्थको, खिचातानीको होइन, काम गर्ने थलो बनाऊ।’
उनले भोलि खनाल-नेपाल पक्षले बोलाएको कार्यकर्ता भेलामा नजना नेता कार्यकर्तालाई सजग र सचेत गराएका छन्। उनले भोलिको भेलामा नजर जाने भन्दै निहुखोजाहरु नझुक्ने बताए। उनले पार्टीमा मनपरी गरेर हिँड्ने छुट कसैलाई नहुने बताए।
खनाल-नेपाल पक्षले ओलीको चियापान कार्यक्रम बहिष्कार गरेको छ। उनीहरूलाई लक्षित गर्दै ओलीले चियापानमा केही अनुहार नदेखिएको बताए। उनले खनाल-नेपाल पक्षको कार्यकर्ता भेलालाई गुटगत भेला भने। उनले नाम नलिई खनाल-नेपाल पक्ष सेटिङमा चलेको आरोप पनि लगाए।
चैत ३, २०७७ मंगलबार १३:०१:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
