पूर्व मिस नेपाल इन्टरनेशनल शाहलाई अभिनय मन पर्दैन

काठमाडौँ : पूर्व मिस नेपाल इन्टरनेशनल* तथा अभिनेत्री नीति शाह म्युजिक भिडियो र  चलचित्रमा त्यति काम गरेकी छैनन्। यसले उनका आलोचकहरूलाई कुरा काट्ने मेलो बनेको छ। अभिनयमा जम्न नसकेकाले उनले काम नपाएको भन्दै आलोचना हुने गरेको छ उनको।

शाहले यसबारे प्रस्टीकरण दिँदै आफूलाई अभिनयमा त्यत्ति रुचि नभएको खुलाइन्।

काठमाडौँमा नेपाल आइडल सिजन २ का विजेता रबी ओडको एल्बम रिलिज कार्यक्रममा अतिथि बनेकी उनले ‘म्युजिक भिडियो र चलचित्रबाट टाढै रहन रुचाउने’ बताइन्। 

ओडको गीति एल्बम ‘द लास्ट इयर’ विमोचन गर्दै उनले भनिन्‘,‘मैले पहिलादेखि नै म्युजिक भिडियो तथा चलचित्र इन्डस्ट्रिजबाट टाढा रहने सोचेकी थिएँ तर रबीजीले एउटा म्युजिक भिडियो खेल्न मलाई निकै कन्भिस गरेपछि मात्रै खेलेकी हुँ । नत्र, मलाई म्युजिक भिडियो र चलचित्र खेल्नमा कुनै चाहना छैन।’

उनी मिस नेपाल इन्टरनेशनल २०१७ की उपाधि विजेता हुन्।

*मिस नेपाल इन्टरनेशनल हुनुपर्नेमा मिस नेपाल भएकाले सच्याइएको छ।

चैत २, २०७७ सोमबार ११:५९:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।