प्रियंकाले न्युयोर्कमा खोलिन् रेस्टुरेन्ट
३ वर्ष अघि
तस्बिर : प्रियंका चोपडाको इन्स्टाग्राम ह्याण्डलबाट।
काठमाडौं : बलिउड अभिनेत्री प्रियंका चोपडाले अमेरिकाको न्युयोर्कमा रेस्टुरेन्ट खोलेकी छन्।
उनले उनले आफ्नो इन्स्टाग्राम ह्याण्डलमार्फत न्युयोर्कमा ‘सोना’ नामको रेस्टुरेन्ट खोलेको जनाएकी हुन्।
रेस्टुरेन्ट र त्यहाँका सेफ हरि नायकसँगको दुईवटा तस्बिर पोस्ट गर्दै उनले दर्शक तथा आफ्ना शुभचिन्तकलाई भारतीय परिकारको स्वाद र फ्लेवर्स लिनका लागि निम्तो दिएकी छन्। यस्तै, उनले न्युयोर्कमा भारतीय स्वादको रेस्टुरेन्ट खोल्न पाएकोमा खुसी व्यक्त गरेकी छन्।
उनले स्टाटसमा लेखेकी छन्, ‘म तपाईंहरूसमक्ष सोना पेस गर्न पाउँदा निकै खुसी छु। न्युयोर्कमा एउटा नयाँ रेस्टुरेन्ट जहाँ मैले भारतीय खानाप्रति आफ्नो प्रेम पस्किएकी छु। भारतीय खानाको स्वाद र फ्लेवर्स सोनामा छ।’
उनले स्टाटसमा आफ्ना सेफको प्रशंसा पनि गरेकी छन्।
एजेन्सी
फागुन २५, २०७७ मंगलबार १८:१०:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
