'तिम्रो हुने कहिले' चलचित्रको शीर्ष गीत सार्वजनिक
३ वर्ष अघि
काठमाडौँ : चलचित्र ‘तिम्रो हुने कहिले’ को शीर्ष गीत सार्वजनिक भएको छ। राजधानीमा एक कार्यक्रमबिच गीतको भिडियो सार्वजनिक गरिएको हो।
रोमान्टिक भावको यस युगल गीतमा गायक बवुल गिरी र सुजाता केसीले स्वर दिएका छन्। प्रस्तुत गीतमा शब्द, सङ्गीत र सङ्गीत संयोजन बवुल गिरीकै छ।
चोखो मायालाई गहिरो तरिकाले उजागर गर्न खोजिएको यस गीतमा नितु पौडेल र रमिला बानले कोरस स्वर भरेका छन्।
चलचित्र आगामी वैशाख १० गतेबाट देशैभर प्रदर्शनमा आउने निर्माण पक्षले जानकारी दिएको छ।
फागुन २१, २०७७ शुक्रबार १०:१६:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
