इलामका टीकाले जिते ‘हल अफ फेम–२’को उपाधि
३ वर्ष अघि
काठमाडौं : भर्चुअल गायन रियालिटी सो ‘हल अफ फेम–२’ को उपाधि इलामका टीका मगरले जितेका छन्।
शनिबार सम्पन्न फाइनलमा अन्य दुई जना प्रतिष्पर्धीलाई पछि पार्दै उनले उपाधि जितेका हुन्। प्रतियोगितामा ललितपुरका पूर्ण विक दोस्रो हुँदा बुटवलका विजय सुनार तेस्रो भए।
फाइनलमा टीकाले स्वर सम्राट नारायण गोपालको ‘तिमीलाई म के भनूँ’ बोलको गीत गाएको भिडियो पठाएका थिए।
टीकाले उपाधिसँगै १ लाख रूपैयाँ नगद पुरस्कार र ५ लाख बराबरको प्याकेज जितेका छन्। साथै उनले एउटा गीतको रेकर्डिङ र म्युजिक भिडियोसँगै सोका निर्णायकहरूसँग अस्ट्रेलिया टुर गर्ने अवसर पनि पाएका छन्।
सोमा वरिष्ठ गायक दीप श्रेष्ठ, कन्दरा ब्याण्डका गायक विवेक श्रेष्ठ र गायिका रजिना रिमाल निर्णायक थिए।
कोरोना महामारीको मध्यतिर सुरु भएको उक्त रियालिटी सोमा अफ्रिका, एसिया, अस्ट्रेलिया र युरोप महादेशमा रहेका नेपालीहरू सहभागी थिए।
सो एमएन टेलिभिजन र त्यसको युट्युब च्यानलमार्फत प्रशारण भएको थियो।
फागुन १६, २०७७ आइतबार २३:०२:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
