‘प्रकाश’ चलचित्र च्यालेन्जको रूपमा दिएको छु – दिया मास्के

नेपालमा पनि चर्चित कलाकारलाई अडिसनमार्फत चलचित्रमा अवसर दिइएको छ।

एउटा कार्यक्रमकाबीच अभिनेत्री दिया मास्केलाई चलचित्र ‘प्रकाश’मा अडिसनमार्फत अनुबन्धित गरिएको निर्देशक दिनेश राउतले बताएका छन्।

उनले थुप्रै कलाकारसँगको अडिसनबाट अभिनेत्री दिया र धनगढीकी रेणु योगीलाई अभिनेत्रीका रूपमा छनोट गरिएको बताए। उनले भने,‘चलचित्रको पात्रका लागि हामीले अडिसन लिएका थियौ, उहाँहरूले आफ्नो चलचित्रको पात्रलाई सुहाउँदो अभिनय गर्न सक्ने क्षमता पाएकाले छनोट गरेका हौ।’

अभिनेत्री दिया मास्केले चलचित्रमा काम गर्न पाउनु खुसीको कुरा रहेको बताइन्। उनले भनिन्,‘स्टोरी पढ्दा खेरि नै यो चलचित्रमा काम गर्न पाए हुन्थ्यो भन्ने मनमा थियो, मैले अडिसनमा भाग लिए, उहाँहरूले खोजेको पात्र सायद म भेटिए होला, त्यसैले छनोट गर्नुभएको हो, यो चलचित्रमा काम गर्न निकै उत्साहित र च्यालेन्जको रूपमा लिएको छु।’

चलचित्रको कथा विकास सुवेदीले लेखेका हुन भने निर्मातामा महेन्द्र अधिकारी रहेका छन्। 

फागुन ६, २०७७ बिहीबार १३:३३:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।