‘कुनै दिन यस्तो पनि...’ मा पुष्प र श्रद्धाको रोमान्टिक मुड

काठमाडौं : फिल्म ‘कृष्ण–लीला’को ‘कुनै दिन यस्तो पनि...’ बोल गीतको भिडियो सार्वजनिक भएको छ।

भिडियोमा अभिनेता पुष्प खड्का र नवअभिनेत्री श्रद्धा क्षेत्री फिचर्ड भिडियोमा उनीहरू रोमान्टिक मुडमा देखिएका छन्। 

पूर्वी नेपालको इलाम, झापा र पाँचथरका विभिन्न स्थानमा छायांकन गरिएको उक्त भिडियोमा रामजी लामिछानेको कोरियोग्राफी छ। 
उक्त गीतमा सुगम पोखरेल र अञ्जु पन्तको स्वर रहेको गीतमा शब्द र संगीत अर्जुन पोखरेलको छ। 

दीपक ओलीले निर्देशन गर्न लागेको फिल्म ‘कृष्ण–लीला’को प्रस्तुतकर्ता रोहित कट्टेल र कार्यकारी निर्माता रत्न श्रेष्ठ छन्। 

लभस्टोरी जनराको उक्त फिल्मको लेखन लक्ष्मण सुवेदी, छायांकन शिव ढकाल र बाबु श्रेष्ठ तथा द्वन्द्व श्री श्रेष्ठको छ।
प्रकाश कार्की र केबल तामाङ निर्माता रहेको फिल्मको सहनिर्मातामा पिताम्बर आचार्य र रोजन श्रेष्ठ छन्। 

फिल्ममा पुष्प र श्रद्धाका साथमा बुद्धि तामाङ, रवीन्द्र झा, नवीन रेग्मी, हिउँवाला गौतम, भावना गुरुङ, आयुष गुरागाईं, आयुषा क्षेत्री, पीताम्बर आचार्य लगायतका कलाकारको अभिनय छ। 

अर्जुन जिसीको सम्पादन रहेको फिल्मलाई आरआर फिल्मस्ले वितरण गर्दै छ। 

फागुन १, २०७७ शनिबार ११:१५:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।