मकवानपुरमा छायांकन गरिँदै ‘सिर्जना’

काठमाडौं : चलचित्र ‘सिर्जना’को मकवानपुरका विभिन्न स्थानमा छायांकन भइरहेको छ। 

चलचित्रको २५ प्रतिशत छायांकन सकिएको निर्माण पक्षले जनाएको छ। चलचित्रको यही माघ १० गतेदेखि छायांकन थालिएको हो। 

चलचित्रमा अभिनेता किशोर खतिवडा र सविता रेग्मीको मुख्य भूमिका छ। चलचित्रमा सविता ‘सिर्जना’को भूमिका देखिने छिन् भने खतिवडा सिर्जनाका श्रीमान। 

खतिवडा र रेग्मीसँगै चलचित्रमा विरेन डिसी, पर्खाया बानियाँ, रामचन्द्र अधिकारी, रमेश अधिकारी लगायतका कलाकारहरूले अभिनय गरेका छन्। 

बाबु थिङले निर्देशन गरिरहेको उक्त चलचित्रमा सन्ध्या शाहले लगानी गरेकी छन्।  

चलचित्रमा विकास चौधरीको संगीत, सुनिल सिंहको छायांकन, राजु किराँतीको द्वन्द्व निर्देशन रहनेछ। 

चलचित्र क्रियसन स्टुडियो प्रालिको ब्यानरमा निर्माण भइरहेको हो।
 

माघ १८, २०७७ आइतबार १४:४२:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।