शहीदको सपनालाई बिपनामा रुपान्तरण गर्न सङ्कल्प गरौँ : देउवा 

शहीद दिवसको अवसरमा शुभकामना सन्देश दिँदै सभापति देउवाले सानातिना मतभेदलाई बिर्सेर सहिदको सपनालाई बिपनामा रूपान्तरण गर्न सङ्कल्प गर्नुपर्ने बताएका हुन्। 

देउवाले भनेका छन्, 'देश र लोकतन्त्रको हित रक्षाका निमित्त आफ्ना सानातिना मतभेदलाई बिर्सेर शहीदको सपनालाई बिपनामा रूपान्तर गर्न सङ्कल्प गरौँ।'

उनले नेपाली जनतालाई पूर्ण राजकीय सत्ता र सार्वभौमसत्ता सम्पन्न बनाउनका लागि आफूलाई उत्सर्ग गर्ने शहीदहरूमा श्रद्धा व्यक्त गर्न, उनीहरूको साहस, सङ्कल्प र आदर्शलाई सम्मान गर्न ‘शहीद दिवस’ मनाइरहेको बताएका छन्। 

देउवाले मुलुकले सुम्पिएको राष्ट्रिय जिम्मेवारी पूरा गर्न र नेपाललाई एक सुन्दर, शान्त र समुन्नत राष्ट्रमा परिणत गर्नका लागि जिम्मेवार सबै पक्षलाई शहीद दिवसले प्रेरणा प्रदान गर्ने विश्वास लिएको उल्लेख गरेका छन्। 

माघ १६, २०७७ शुक्रबार १०:४७:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।