‘पल्पसा क्याफे’मा अभिनय गर्दै स्वस्तिमा
३ वर्ष अघि
काठमाडौं : पत्रकार तथा लेखक नारायण वाग्लेको उपन्यास ‘पल्पसा क्याफे’मा आधारित नाटकमा स्वस्तिमा खड्काले अभिनय गर्न लागेकी छन्।
थिएटर भिलेजका निर्देशक विमल सुवेदीको निर्देशनमा बन्न लागेको नाटकमा स्वस्तिमा ‘पल्पसा’को भूमिकामा रहनेछिन्।
उपन्यासको नाट्य रूपान्तरण सुरज सुवेदीले गरेका छन्।
नाटकमा अभिनय गर्न पाउँदा स्वस्तिमा उत्साहित देखिन्छिन्। स्वस्तिमाले सामाजिक सञ्जाल फेसबुकमा नाटकको अभ्यास गरिरहेको तस्बिर सेयर गरेकी छन्।
नाटक कहिले र कहाँ मञ्चन हुने भन्नेबारे केही खुलाइएको छैन।
पुष २६, २०७७ आइतबार १४:५८:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
