सरकारविरुद्ध काठमाडौं कांग्रेसको शक्ति प्रदर्शन (फोटो फिचर)

काठमाडौं : प्रमुख प्रतिपक्षी नेपाली कांग्रेसले सरकारविरुद्ध सोमबार देशभर प्रदर्शन गरेको छ। 

सरकार भ्रष्ट्राचार, कुशासन र अधिनायकवादतर्फ उन्मुख भएको भन्दै कांग्रेसले एकै दिन ७७ वटै जिल्लामा विरोध प्रदर्शन गरेको हो।

यसैक्रममा नेपाली कांग्रेस काठमाडौंले पनि राजधानीमा प्रदर्शन गरेको छ। विभिन्न स्थानबाट आएको जुलुस शान्तिबाटिकामा पुगेर सभामा परिणत भएको छ। 

सभालाई वरिष्ठ नेता रामचन्द्र पौडेल, केन्द्रीय सदस्यहरु नविन्द्रराज जोशी, डाक्टर डिला संग्रौलालगायतका नेताहरुले सम्बोधन गरिरहेका छन्।

काठमाडौं जिल्ला कार्यसमितिले निर्वाचन क्षेत्रगत रुपमा जुलुस निकाले प्रदर्शन गरेको हो। निर्वाचन क्षेत्र नम्बर १ को प्रदर्शन भृकुटीमण्डप, २, ३ र ४ को प्रदर्शन पुतली सडक चोक, ५, ६ र ७ को प्रदर्शन चैनचौर, ८ को प्रदर्शन बसन्तपुर र निर्वाचन क्षेत्र नम्बर ९, १० को प्रदर्शन सहिद गेटबाट सुरु भएको छ। 

मंसिर २९, २०७७ सोमबार १५:४५:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।