ब्राउन सुगरसहित एक जना पक्राउ

सुर्खेत : सुर्खेतमा प्रहरीले ब्राउन सुगरसहित एक जनालाई पक्राउ गरेको छ।

दैलेख, नारायण नगरपालिका–७, स्थायी ठेगाना भएका हाल वीरेन्द्रनगर–४, भैरवस्थान बस्ने २० वर्षीय भूपेन्द्र मिजारलाई जिल्ला प्रहरी कार्यालय, सुर्खेतले पक्राउ गरेको हो।

वीरेन्द्रनगर–९, लाटीकोइलीमा शंकास्पद अवस्थामा हिँडिरहेका मिजारलाई प्रहरी निरीक्षक कनकबहादुर शाहीको टोलीले पक्राउ गरेको जिल्ला प्रहरी कार्यालय, सुर्खेतका प्रवक्ता एवं डिएसपी रामप्रसाद घर्तीले जानकारी दिए। शाहीको टोलीले चेकजाँज गर्दा मिजारले लगाएको जुत्ताभित्र मोजामा लुकाइछिपाइ राखेको ब्राउन सुगर फेला परेको उनले बताए। 

उनका अनुसार मिजारबाट प्रहरीले रातो प्लास्टिकको पोकामा राखेको ४३० मिलिग्राम चार प्याकेट लागुऔषध ब्राउन सुगरजस्तो देखिने धुलो फेला पारेको छ। मिजारलाई नियन्त्रणमा लिइ थप अनुसन्धान भइरहेको छ।
 

मंसिर २०, २०७७ शनिबार १६:३४:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।