पानीघट्टमा लुकीछिपी माया साट्दै दयाहाङ र लक्ष्मी !

काठमाडौं : गायक तथा संगीतकार हरि लम्साल र मेलिना राईको स्वरमा ‘सुनन’ बोलको गीतको भिडियो सार्वजनिक भएको छ।

‘परानै दिन्छु’को भाग २ का रूपमा तयार पारिएको ‘सुनन’को शब्द प्रह्लाद शाहले लेखेका हुन् भने संगीत हरि लम्सालको छ।

गीतको म्युजिक भिडियोमा अभिनेता दयाहाङ राई र अभिनेत्री लक्ष्मी बर्देवाको प्रेमलाई झल्काइएको छ। गीतको भिडियोमा पहिलो प्रेमको सुरुवाती कथालाई देखाउन खोजिएको छ। गाउँ घर, उकाली ओराली गर्दै पानीघट्टमा अन्न लिएर पिस्न जाँदा दुई युवायुवती एक–अर्काप्रति आकर्षित भएको प्रेमकथालाई भिडियोमा कलात्मक तरिकाले देखाउने प्रयास गरिएको छ।

काभ्रेको पनौती नगरपालिकाको कुशादेवीमा छायांकन गरिएको भिडियोले नेपाली ग्रामीण परिवेशमा पनि जिन्दगी जिउँदै प्रेम सम्बन्धमा रमाउनेहरूको कथामा दयाहाङ र लक्ष्मीको जोडी निकै सुहाएको छ। 

निकेश खड्काले निर्देशन गरेको भिडियोको छायांकन उत्तम हुमागाईले गरेका हुन् भने सम्पादन विकाश धमलाले गरेका हुन्। 
गीतको भिडियो टुवेल्भ नोट्सबाट बजारमा आएको हो।

मंसिर १६, २०७७ मंगलबार १४:१४:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।