दाहालकी नातिनी स्मीतासँग राजेश हमालको ‘मालिङ्गो’मा रोमान्स
काठमाडौं : पछिल्लो समय एकपछि अर्को गीत सार्वजनिक गर्दै आएकी नेकपा अध्यक्ष पुष्पकमल दाहालकी नातिनी स्मीता दाहालले नयाँ गीतको म्युजिक भिडियो सार्वजनिक गरेकी छन्।
उनी आफैले गाएको गीत ‘मालिङ्गो’ को भिडियो सहित सार्वजनिक भएकी हुन्।
सुनिता नेपाल सुवेदीले लेखेको गीतलाई राजनराज शिवाकोटीले संगीत भरेका छन्। गीतमा उदयराज पौडेलको एरेन्ज, श्यामस्वेत रसाइलीको मिक्सिङ रहेको छ।
गीतको भिडियोमा आफैँ अभिनय गरेकी स्मीतालाई अभिनेता राजेश हमालले अभिनयमा साथ दिएका छन्।
‘मालिङ्गो’ बोलको गीतमा स्मीता र गायक तथा संगीतकार राजनराज शिवाकोटीको आवाज सुन्न सकिन्छ।
सरोज ओलीले निर्देशन गरेको भिडियोमा बलात्कार हुनबाट जोगिएकी किशोरीको कथालाई देखाउन खोजिएको छ।
म्यूजिक भिडियोमा स्मीता स्कुलको विद्यार्थी हुन्छिन् भने अभिनेता राजेश हमाललाई पत्रिका पुर्याउने एक हकरको भूमिकामा देख्न सकिन्छ।
भिडियोमा भुपेन्द्र अधिकारी सम्पादन,सुनिल क्षेत्रीको कथा÷कन्सेप्ट र कोरियोग्राफी रहेको छ।
भिडियोलाई नवराज उप्रेतीले छायांकन गरेका छन्। गीतको भिडियोलाई गज्जबको टिभी युटुव च्यानलबाट हेर्न सकिनेछ।
मंसिर ४, २०७७ बिहीबार १८:०७:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
