७ वर्षपछि चलचित्रमा एकसाथ अमिताभ र अजय 

बलिउड अभिनेता अमिताभ बच्चन र अजय देवगन एक साथ चलचित्रमा देखिने भएका छन्।

उनीहरु करिब ७ वर्षको अन्तरालमा चलचित्र ‘मइड’मा सँगै काम गर्न लागेका हुन्। चलचित्रलाई अजय देवगनले निर्देशन गर्न लागेका हुन्। अजय देवगनका अनुसार अमिताभ चलचित्रमा खेल्ने सहमती भइसकेको बताए । 

अमिताभ र अजयले ७ वर्ष अघि चलचित्र ‘सत्याग्रह’मा एकसाथ काम गरेका थिए।

चलचित्र ‘मेजर साब, खाकीमा पनि अमिताभ र अजयले एकसाथ काम गरेका थिए । अभिनय र निर्देशनमा अब्बल ठानिएका अजयको निर्देशनमा ४ वर्ष अघि चलचित्र ‘शिवाय’ प्रदर्शनमा आएको थियो। 

अजय देवगन आफैले निर्देशन गर्न लागेको चलचित्र ‘मइड’मा अमिताभ बच्चन कस्तो भुमिकामा देखिदैछन् भन्ने कुरा खुलाइएको छैन।

तर अभिनेता अजयको भने भुमिका बाहिर आइसकेको छ। उनले यस चलचित्रमा पायलटको भूमिका निर्वाहमा गर्दैछन्।

चलचित्र निर्माण पक्षका अनुसार  चलचित्रको छायांकन डिसेम्बरबाट हैदारबादमा गरिनेछ। अहिले  अजय  चलचित्र ‘भुजः दि प्राइड अफ इन्डिया’को छायांकनमा व्यस्त रहेका छन्। 
 

कात्तिक २३, २०७७ आइतबार १४:०५:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।