‘ओ रे पियारे’मा नेपाली अभिनेत्री सुरबिना
काठमाडौं : हिन्दी गीत ‘ओ रे पियारे’को म्युजिक भिडियोमा नेपाली अभिनेत्री सुरबिना कार्कीले अभिनय गरेकी छन्। भिडियोमा उनीसँगै भारतका चर्चित कलाकार युजवेन्द्र प्रताप सिंह फिचर्ड छन्।
भिडियोमा लकडाउन अवधिमा भारतको महाराष्ट्रको औरंगावादको रेलवेको लिकमा १६ जना भारतीय मजदुरको मृत्यु भएको घटनालाई देखाइएको छ। उक्त घटनालाई निर्देशक पल्लवीले गीतको भावमार्फत भिडियोमा देखाएका हुन्।
गीतको भिडियोलाई भारतको विभिन्न स्थानमा छायांकन गरिएको अभिनेत्री कार्कीले बताएकी छन्।
भिडियोलाई टिकम शर्माले निर्माण गरेका हुन्। छायाकार पुरुषोत्तम प्रधानको सिनेमाटोग्राफी रहेको यस भिडियोलाई विपिन मल्लले सम्पादन गरेका हुन्।
भिडियोलाई जी म्युजिक कम्पनीको आफिसिएल युट्युब च्यानलमार्फत सार्वजनिक गरिएको छ।
गीतमा दीपक ठाकुरको शब्द तथा स्वर छ।
कात्तिक २३, २०७७ आइतबार १०:३४:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
