प्रिन्साले जितिन् ‘गोल्डेन क्विन अफ २०२०’
काठमाडौं : नेपालकी प्रिन्सा खड्काले ‘गोल्डेन क्विन अफ २०२०’को उपाधि जितेकी छन्।
टिभी स्टार्ट इन्टरनेसनल फेस्टिवलले गत वर्ष अनलाइनमार्फत आयोजना गरेको अन्तर्राष्ट्रिय ब्युटी एण्ड प्याजेन्ट सोमा ७ वर्षीया प्रिन्साले उक्त उपाधि हात जितेकी हुन्। आयोजक संस्था टिभी स्टार्ट फेस्टिवलले हिजो यसको घोषणा गरेको हो।
प्रतियोगितामा विश्वभर १६ देशका ४० जनाले विभिन्न विधामा प्रतिष्पर्धा गरेका थिए।
प्रतियोगिताका लागि प्रिन्शाको भिडियो र तस्बिर पठाइएको थियो। कार्यक्रमको संयोजन नेपाल स्थित मोर्निङ ग्लोरी इन्टरटेनमेन्ट र मोहना मोथे खनालले गरेका थिए।
प्रिन्शाले दुई महिनाअघि मात्र साउथ युरोपको बुल्गेरियामा अनलाइनमार्फत आयोजित ‘प्रिन्स एण्ड प्रिन्सेस अफ द वल्र्ड २०२०’ प्रतियोगितामा फस्ट प्लेस ‘गोल्ड प्रिन्सेस अफ द वल्र्ड २०२०’ र ‘प्रिन्सेस ओर्जिनालिटी’ अवार्ड हात पारेकी थिइन्।
रुकुमकी प्रिन्शाले त्यसअघि नेपालमा आयोजित ‘क्विक्स मिनी लिटिल च्याम्प नेपाल २०१९’को उपाधिसमेत जितेकी थिइन्।
काठमाडौंमा कक्षा २ मा अध्ययनरत प्रिन्शा अभिनयमा पनि अब्बल छिन्। उनले नारायण रायमाझीको बहुचर्चित गीत ‘कारगिल भाग २’ म्युजिक भिडियोमा बाल कलाकारको अभिनय गरेकी छन्।
कात्तिक १९, २०७७ बुधबार १४:५८:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
