‘सँगैसँगै’ सृष्टि र सौगात 

गहिरो प्रेममा रहेका अभिनेता सौगात मल्ल र अभिनेत्री सृष्टि श्रेष्ठसँगै रहेको लामै समय भइसक्यो । उनीहरु लकडाउन भएदेखि नै काठमाडौंमा बसिरहेका छन्। त्यो आभास अभिनेत्री सृष्टि श्रेष्ठले आफ्नो इन्स्टामा सेयर गरेका तस्विरहरुले पनि जनाइरहेका छन्। 

अभिनेता सौगात मल्लले  सामाजिक सञ्जाल चलाएका छैनन्। उनी सामाजिक सञ्जालबाट टाढा रहेका छन्। तर अभिनेत्री  सृष्टि भने सामाजिक सञ्जालबाट बाहिर निस्किन सकेकी छैनन्। बेला मौकामा सौगातसँग खिचेका रोमान्टिक भिडियो तथा तस्विरहरु इन्स्टाग्राममा पोस्ट गरिरहेकी हुन्छिन्।

कहिले खोला किनारमा घुम्दै गरेको तस्विर सेयर गरेकी हुन्छिन् त कहिले सौगातको कपाल कोरिरहेको। उनले हाम्रो जोडी अरुको भन्दा भिन्न र गहिरो छ भन्ने संकेत दिएकी छन्।

रिल र रियल लाइफमा प्रेम जोडीका रुपमा परिचित छन्। सौगात र सृष्टिले  फिल्म ‘मासु भात’ सँगै अभिनय गरेका थिए। त्यसपछि जहाँ सौगात त्यहाँ सृष्टि हुन थालेको थियो। यो फिल्ममा संगै खेलेका सौगात र सृष्टिले फिल्म ‘पोइ पर्यो काले’ मा काम गरे, जुन प्रदर्शन भइसकेको छ।

त्यस्तै गोपिकृष्णको ब्यानरमा निर्माण भएको फिल्म ‘माइकल अधिकारी’ प्रदर्शनको पखाईमा छ। अब फिल्म ‘सँगैसँगै’ मा पनि दुबैजना अनुबन्धित भइसकेका छन्। कोरोनाका कारण छायाङकन हुन सकेको छैन।  
 

कात्तिक १८, २०७७ मंगलबार १७:४३:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।