एकैदिन ५७४३ जनामा कोरोना संक्रमण, हालसम्मकै उच्च

काठमाडौं : पछिल्लो २४ घण्टामा ५ हजार ७ सय ४३ जनामा कोरोना संक्रमण पुष्टि भएको छ।
 

नेपालका एकैदिन संक्रमण पुष्टि भएको यो नै हालसम्मको उच्च संख्या हो। 

यस अवधिमा २० हजार १ सय १८ जनाको कोरोना परीक्षण गरिएकोमा ५ हजार ७ सय ४३ जनामा संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ।

नयाँ संक्रमितमध्ये ३ हजार १०७ जना काठमाडौं उपत्यकाका छन्।

योसहित नेपालमा कोरोना संक्रमण पुष्टि हुनेको संख्या १ लाख ४४ हजार ८ सय ७२ पुगेको छ।

यस्तै, मृत्यु हुने कोरोना संक्रमितको संख्या पनि पछिल्लो २४ घण्टामा हालसम्मकै उच्च छ।  

पछिल्लो २४ घण्टामा २६ जनाको कोरोना संक्रमणबाट मृत्यु भएको मन्त्रालयले जनाएको छ। 

योसहित नेपालमा कोरोना संक्रमणबाट मृत्यु हुनेको संख्या ७ सय ९१ पुगेको छ।

आज सम्म ४४ हजार ४ सय ७६ जना सक्रिय संक्रमित रहेका छन्। 

जसमध्ये १४ हजार ६ सय ७६ जना संस्थागत आइसोलेसनमा र २९ हजार ८०० जना होम आइसोलेसनमा छन्।

कात्तिक ५, २०७७ बुधबार १६:४३:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।