उपत्यकामा १६९८ सहित थप २९४२ जनामा कोरोना पुष्टि
काठमाडौं : नेपालमा पछिल्लो २४ घण्टामा थप २ हजार ४९३ जनामा कोरोना भाइरस (कोभिड–१९) संक्रमण पुष्टि भएको छ। तीमध्ये काठमाडौं उपत्यकामा १ हजार ६९८ जना छन्।
स्वास्थ्य तथा जनसंख्या मन्त्रालयको नियमित प्रेस ब्रिफिङमार्फत प्रवक्ता प्रा. डा. जागेश्वर गौतमका अनुसार पछिल्लो २४ घण्टामा संक्रमितको संख्या १ लाख ३२ हजार २४६ पुगेको छ।
यस्तै, पछिल्लो २४ घण्टामा २ हजार ३२६ जना कोरोनामुक्त भएको र १२ संक्रमितको मृत्यु भएको मन्त्रालयले जानकारी दिएको छ।
मन्त्रालयको तथ्यांक अनुसार हालसम्म निको हुनेको संख्या ९२ हजार १६६ ,सक्रिय संक्रमितको संख्या ३९ हजार ३४१ र कोरोना संक्रमणबाट मृत्यु हुनेको संख्या ७३९ पुगेको छ।
कात्तिक २, २०७७ आइतबार १७:०९:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
