फिल्म ‘भाँडाकुटी’मा मुकुन र बेनिशा मुख्य भूमिकामा
काठमाडौं : घटस्थापनाको दिन साइत पारेर नयाँ फिल्म घोषणा गरिएको छ । दृष्यालय सिनेमा प्रालिको ब्यानरमा निर्माण बन्न लागेको फिल्म ‘भाँडाकुटी’को शनिबार राजधानीमा एक कार्यक्रमबीच औपचारिक घोषणा गरिएको हो।.JPG)
फिल्मको कार्यक्रममा अभिनेत्री बेनिशा हमाल र अभिनेता मुकुन भुषाल लगायतको उपस्थिति रहेको थियो। आगामी फागुनबाट छायांकनमा जाने भनिएको फिल्मलाई बुटवल आसपासका ठाउँमा छायांकन गरिने निर्माण पक्षले जानकारी दिएको छ।
वैवाहिक परिवेश सहितको सामाजिक कथामा निर्माण हुन लागेको फिल्मलाई किरण बिकले निर्देशन गर्दैछन्।
किरण बिककै कथामा कलम खड्काले फिल्म निर्माण गर्न लागेका हुन्। फिल्म ओस्कार फिल्म कलेज पास आउट भएका यूवाहरुको समूहको पनि सहभागीता हुने फिल्म युनिटले जानकारी दिएको छ।
फिल्मलाई निशल पौडेलले खिच्ने भएका छन् भने राजकुमार दर्जीको कोरियोग्राफि र भिम बिकको सम्पादन रहने छ। फिल्ममा गोपाल आचार्य एशोसियट डाइरेक्टर रहनेछन्।
झण्डै एक करोड लगानीमा नयाँ टिमले भाँडाकुटी निर्माण गर्न लागेका हुन्।
समाजको कथालाई नयाँ ज्ञान सहित पुरा अनुभवहरुको साथमा राम्रो फिल्म बनाउने उद्देश्य सहित नयाँ टिम आएकोले सबैले सहयोग गरिदिन निर्देशक किरणले अनुरोध गरेका छन्।
कात्तिक २, २०७७ आइतबार १३:२५:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
