‘लक्ष्मीपूजा’को स्याड भर्सनको ‘जिन्दगी’ बोलको गीत सार्वजनिक

काठमाडौं : यही दसैंमा रिलिज हुने फिल्म ‘लक्ष्मीपूजा’को स्याड भर्सनको ‘जिन्दगी’ बोलको गीत सार्वजनिक भएको छ।

माण्डवी त्रिपाठीको स्वर रहेको गीतमा दयाराम पाण्डेको शब्द तथा विपिन आचार्यको संगीत र एरेन्ज छ। गीतमा अस्मिता जुरेली, जयकिशन बस्नेत, नीर शाहलगायत फिचर्ड छन्।

सलोन सलिना फिल्मसको ब्यानरमा निर्माण भइरहेको फिल्ममा समीर मियाँको निर्देशन तथा शोभित बस्नेतको निर्माण छ। 

फिल्ममा जयकिशन बस्नेत, जाहान्वी बस्नेत, अस्मिता जुरेली, नीर शाहको अभिनय छ। यस्तै, सलोन बस्नेत र रियाशा दाहाल विशेष भूमिकामा देखिँदै छन्।

निर्माता शोभितका अनुसार जाहान्वीको शीर्ष भूमिका रहने फिल्ममा उनी दोहोरो भूमिकामा देखिँदै छिन्। उनले पारिवारिक प्रेमकथा रहने फिल्ममा दसैं र तिहारको परिवेश देखाइने छ। 

फिल्ममा विपिन आचार्यको संगीत, दयाराम पाण्डेको गीत, केदार भुषालको लेखक, रामजी लामिछानेको कोरियोग्राफी र जयकुमार दर्लामीको छायांकन छ।

असोज २७, २०७७ मंगलबार ११:३२:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।