मध्यपश्चिमाञ्चल विश्वविद्यालयको रजिष्ट्रारमा डा.नारायणप्रसाद पौडेल
काठमाडौं : मध्यपश्चिमाञ्चल विश्वविद्यालयको रजिष्ट्रारमा सहप्राध्यापक डा.नारायणप्रसाद पौडेल नियुक्त भएका छन्।
विश्वविद्यालयका उपकुुलपति प्रा.डा. नन्दबहादुर सिंहको सिफारिसमा विश्वविद्यालयका कुलपति प्रधानमन्त्री केपी शर्मा ओलीले डा.पौडेललाई नियुक्त गरेका हुन्।
विश्वविद्यालयले खुला प्रतिस्पर्धाबाट रजिष्ट्रार छनौट गर्नेगरी असार २२ गते दरखास्त आह्वान गरेकोमा १९जनाको आवेदन परेको थियो
काठमाडौं विश्वविद्यालयका पूर्वउपकुलपति प्रा.डा. सुरेशराज शर्माको नेतृत्वको तीन सदस्यीय छनौंट समितिले डा.पौडेललाई सिफारिस गरेको हो।नवनियुक्त रजिष्ट्रार डा. पौडेलको कार्यकाल चार वर्ष रहने प्राबधान छ ।
रजिष्ट्रार डा. महेन्द्रकुमार मल्लको असार २९ गते अवधी सकिएको थियो ।सहप्राध्यापक यामबहादुर कार्कीले निमित्त रजिष्ट्रारको जिम्मेवारी सम्हाल्दै आएका थिए।
असोज १५, २०७७ बिहीबार ११:२५:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
