स्पर्श म्युजिक भिडियो अवार्ड आगामी मंसिरमा
काठमाडौं : आगामी मंसिरमा ‘स्पर्श म्युजिक भिडियो अवार्ड–२०२०’आयोजना हुने भएको छ। हिमालयन मुभिजले मंसिरको अन्तिम साता अवार्ड कार्यक्रम गर्ने निर्णय गरेको हो।
अवार्डमा सहभागिता जनाउन चाहनेले निःशुल्करूपमा फर्म भर्नसक्ने आयोजक संस्थाले जनाएको छ।
कलाकारहरु ५० प्रतिशत अनलाइन तथा एसएमएस भोटिङ र ५० प्रतिशत निर्णायकको निर्णयका आधारमा विजेताको घोषणा गरिने छ।
अवार्डमा लोक दोहोरी तथा आधुनिक संगीततर्फ एक–एक जनालाई विशेष योगदान अवार्डद्वारा सम्मानित गरिने समेत आयोजक संस्थाले जनाएको छ।
अवार्डमा लोक दोहोरी विधातर्फ उत्कृष्ट गायक, उत्कृष्ट गायिका, उत्कृष्ट संगीतकार, उत्कृष्ट भिडियो निर्देशक, उत्कृष्ट भिडियो, उत्कृष्ट छायांकार, उत्कृष्ट सम्पादक, उत्कृष्ट मोडल (महिला तथा पुरुष) तथा उत्कृष्ट डेब्यु मोडल (महिला तथा पुरुष)को रूपमा पुरस्कृत गरिने छ।
पप तथा आधुनिक विधातर्फ उत्कृष्ट गायक, गायिका, नव गायक, संगीतकार, रचनाकार, म्युजिक भिडियो, भिडियो निर्देशक, छायांकार, सम्पादक, महिला तथा पुरुष मोडल तथा नव मोडल (महिला तथा पुरुष) विधामा पुरस्कृत गरिने छ।
अवार्डको विशेष विधा (म्युजिक भिडियो)तर्फ उत्कृष्ट मेकअप आर्टिस्ट, उत्कृष्ट हेयर ड्रेस, उत्कृष्ट ड्रेस डिजाइनर, उत्कृष्ट सेलिब्रेटी डिजाइनर, उत्कृष्ट स्टाइलिस्ट तथा उत्कृष्ट कोरियोग्राफर छन्।
बाल विधातर्फ उत्कृष्ट गायक तथा गायिका तथा उत्कृष्ट मोडल (बालक तथा बालिका) छन्। इमर्जिङ ट्यालेन्ट विधातर्फ कोरियोग्राफर, ड्रेस डिजाइनर, मेकअप आर्टिष्ट तथा मोडल (बाल, महिला, पुरुष)लाई पनि पुरस्कृत गरिने छ। पपुलर अर्थात लोकप्रिय विधातर्फ पपुलर मोडल (महिला तथा पुरुष) र पपुलर सिंगर (गायक तथा गायिका)लाई पनि पुरस्कृत गरिने बताइएको छ।
हिमानी सुब्बा तथा कमल खतिवडाद्वारा आयोजना गरिने उक्त अवार्ड समारोहको संयोजकमा अभिनेता तथा मोडलद्वय एसराज गराच, दिक्पाल कार्की तथा कोरियोग्राफर अशोक बिक छन्।
असोज १४, २०७७ बुधबार १६:२८:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
