आमाले खोलेको ज्योति मगरको भित्रि कथा
काठमाडौ : विश्वमा नम्बर वान मानिएको रियालिटी शो ‘डान्सिङ विथ दि स्टार्स’को नेपाली संस्करण ‘डान्सिङ विथ दि स्टार्स नेपाल’मा गायिका ज्योति मगरले जजको मन जितेकी छन्।
यति धेरै कलाकारको बीचमा ज्योतिको प्रस्तुतिले सबैको मन छोयो।
उनको त्यो गम्भीर कथा बोकेको गीतमा नृत्य गर्दा निर्णायकको मन जित्यो। ज्योतिले जति पहिला तारिफ हुन्थ्यो त्योभन्दा बढी तारिफ पाएकी छन्।
यस शोमा ज्योतिको बारेमा उनकी आमाले द्वन्द्वकालको कुरा निकाल्दा सबै भावुक बने।
.png)
द्वन्द्वकालमा ज्योतिलाई माओवादीले अपहरण गरेको कुरा सुनाउँदा रियालिटी शोका जजलगायत भावुक बने। सधैँ अरुलाई हँसाइरहने ज्योतिको त्यो कथाले धेरैको मन पगाल्यो।
अपहरणमा परेकी ज्योतिलाई उनकै साथीले अपहरण मुक्तगर्न सहयोग गरेको आमाले सुनाउदा सबैले भावुक बने।
द्वन्द्वकालमा छापामार साथीले दाङ जाने बाटो देखाइदिए पछि उनी भाग्न सफल भएको ज्योतिकी आमाले सुनाईन्।
बाल्यकाल देखिनै गायनमा रुचि राख्ने ज्योतिले गायिका बन्ने सपना बोकेकी थिइन्।
दाङबाट काठमाडौ सम्मको यात्रा र उत्ताउला खाल्का गीतले उनलाई परिचित गरायो।
दर्जनौ कलाकारहरुको भीडमा उनको छुट्टै पहिचान बनिसकेको छ।
यस रियालिटी शोको पहिलो भागमा फुटबल खेलाडी हरि खड्काले आफ्नो कोरियोग्राफर पार्टनर यूवी बलामीसँग नृत्य प्रस्तुत गरेका थिए।
यस्तै, उमेश राई र प्रमोद भण्डारी, रक्षा श्रेष्ठ र सरोज मोक्तान, देवान्सी वैद्यवार र सिद्धार्थ श्रेष्ठ, श्रृष्टी केसी र केशव थापाले आफ्नो नृत्य प्रस्तुत गरे।
यस्तै, दोश्रो भागमा गायक बुद्ध लामा र उनको कोरियोग्राफर पार्टनर केबिका खत्री, दीपा–दमन्ता र सुरेल बिके, पूजा ठाकुर र राजिव समर, प्रशान्त ताम्राकार र स्वयता योञ्जन, सुमि मोक्तान र विजु पार्थी, ज्योति मगर र लाउरेले आफ्नो प्रस्तुति दिएका थिए।
ज्योतिको प्रस्तुतीले जजको मन जित्यो भने उनको वास्तविक जीवनमा घटेको घटनाले सबैको मन छोयो।
नरेश खाती र समिक्षा अधिकारीले गाएको गीत ‘माया मारेर’मा गरेको अभिनय र डान्सले झन् दर्जकको मन जितिन्।
परदेशीको पीडामा बोकेको कथामा अभिनय र डान्स गरेकी ज्योतिको तारिफले सामाजिक संजाल भरिएको छ। यस गीतमा उनलाई लाहुरेले साथ दिएका थिए ।
‘डान्सिङ विथ दि स्टार्स नेपाल’मा को २ वटा भाग शुक्रबार र शनिबार प्रशारण भइसकेको छ।
उक्त शो हिमालय टेलिभिजनमा हरेक हप्ता शुक्रबार र शनिबार बेलुकी ८ बजेपछि प्रशारण हुँदै आएको छ।
यस रियालिटी शोमा अब प्रतिस्पर्धीलाई दर्शकले बुधबार मध्यान्न १२ बजेसम्म भोट गर्न सक्नेछन्।
उनीहरुको भोट र निर्णायकको मतका कारण हरेक हप्ता एक जना शोबाट आउट हुनेछन्।
असोज १२, २०७७ सोमबार १२:५१:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
