मोटरसाइकल दुर्घटनामा सेनाका जमदारको मृत्यु
जनकपुरधाम : मोटरसाइकल दुर्घटनामा परी नेपाली सेनाका एक जमदारको मृत्यु भएको छ। पूर्व पश्चिम राजमार्ग अन्तर्गत सिरहाको धनगढीमाई नगरपालिकास्थित मेदनी पुल सडकखण्डमा उनको दुर्घटना भएको जिल्ला प्रहरी कार्यालय सिरहाले जनाएको हो।
मृत्यु हुनेमा नेपाली सेनाको श्री बक्स गुल्मी अर्थुङ्गे ब्यारेक म्याग्दीमा कार्यरत खोटाङ घर भइ सुनसरीको इटहरी ४ बस्दै आएका पेशल पाण्डे रहेका छन्।
को.२२ प २९४४ नम्बरको मोटरसाइकल चढेर पश्चिमबाट पूर्वतर्फ आउँदै गर्दा पाण्डे दुर्घटनामा गम्भीर घाइते भएका थिए। प्रहरीका अनुसार उनलाई उपचारका लागि अस्पताल लैजाने क्रममा बाटोमै मृत्यु भएको हो।
भदौ ३१, २०७७ बुधबार १७:२७:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
